ABDİN FƏRZƏLİYEVIN ŞƏHİD AİLƏLƏRİNƏ YÜKSƏK DİQQƏT VƏ QAYĞISI
Abşeron Rayon İcra Hakimiyyətinin başçısı Abdin Fərzəliyevin şəhid ailələrinə göstərdiyi diqqət və qayğı xüsusi qeyd olunmağa layiqdir. Şəhid ailələrinin problemlərinə həssas yanaşılması, onların müraciətlərinin dinlənilməsi, qarşılaşdıqları çətinliklərin öyrənilməsi və ehtiyaclarının daim diqqətdə saxlanılması dövlətimizin bu ailələrə olan yüksək ehtiramının bariz nümunəsidir.
Şəhid ailələri bizim üçün sadəcə sosial qayğıya ehtiyacı olan insanlar deyil. Onlar Azərbaycanın müstəqilliyi, ərazi bütövlüyü və suverenliyi uğrunda ən ağır itki ilə üzləşmiş ailələrdir. Bu ailələrin hər bir üzvünün yaşadığı ağrı və keçirdiyi sarsıntı xalqımız üçün də böyük dəyər daşıyır. Vətən uğrunda canından keçən qəhrəmanlarımızın ailələrinə sahib çıxmaq, onların yanında olmaq və qayğılarını bölüşmək hər birimizin mənəvi borcudur.
Bu baxımdan Abdin Fərzəliyevin şəhid ailələri ilə yaxından maraqlanması, onların problemlərinə biganə qalmaması və müraciətlərinə həssas münasibət göstərməsi təqdirəlayiqdir. Dövlət qurumlarının və rəhbər şəxslərin şəhid ailələri ilə daim əlaqədə olması, onların qayğılarını dinləməsi və imkan daxilində həllinə dəstək göstərməsi cəmiyyətimizdə dövlət-xalq birliyinin daha da möhkəmlənməsinə xidmət edir.
Əslində, şəhid ailəsinə göstərilən diqqət və qayğı yalnız bir ailəyə göstərilən münasibət kimi qiymətləndirilməməlidir. Bu, Vətən uğrunda həyatını fəda etmiş şəhidimizin müqəddəs xatirəsinə göstərilən ehtiramdır. Şəhidin ailəsinin yanında olmaq onun göstərdiyi qəhrəmanlığa və fədakarlığa hörmətin ən gözəl ifadələrindən biridir.
Bu gün Azərbaycan dövlətinin sosial siyasətində şəhid ailələri və qazilər xüsusi yer tutur. Onların sosial rifahının yaxşılaşdırılması, problemlərinin həlli və cəmiyyətin diqqətində saxlanılması dövlət siyasətinin əsas istiqamətlərindəndir. Yerli icra hakimiyyətlərinin bu məsələyə həssas yanaşması isə həmin siyasətin yerlərdə uğurla həyata keçirilməsində mühüm rol oynayır.
Abşeron rayonunda da şəhid ailələrinin diqqət və qayğı ilə əhatə olunması yüksək qiymətləndirilməlidir. İnsanların dövlət qurumlarına müraciət etdikdə onların dinlənilməsi, problemlərinə laqeyd münasibət göstərilməməsi və imkan daxilində həlli üçün addımlar atılması böyük əhəmiyyət daşıyır. Xüsusilə şəhid ailələri ilə bağlı məsələlərdə səmimi münasibət və mənəvi dəstək olduqca vacibdir.
Bunu görməmək və qiymətləndirməmək, açığı, haqsızlıq olardı. Çünki görülən hər bir işin arxasında şəhid ailəsinə verilən dəyər, şəhidlərimizin əziz xatirəsinə göstərilən ehtiram və Vətən qarşısında borc hissi dayanır. Şəhid ailələrinin daim diqqətdə saxlanılması həm dövlətimizin gücünü, həm də xalqımızın milli-mənəvi dəyərlərə bağlılığını göstərir.
Şəhidlərimizin qəhrəmanlığı Azərbaycan tarixinin ən şərəfli səhifələrindən biridir. Onların göstərdiyi fədakarlıq heç vaxt unudulmayacaq. Şəhid ailələrinin qayğıları ilə maraqlanmaq, onların yanında olmaq və problemlərinin həllinə dəstək vermək isə bu müqəddəs xatirəyə olan hörmətin davamıdır.
Abdin Fərzəliyevin şəhid ailələrinə göstərdiyi diqqət və həssas münasibət bu baxımdan təqdirəlayiqdir. Belə münasibət dövlətimizin və xalqımızın şəhid ailələrinə olan sonsuz ehtiramının ifadəsidir. Şəhidlərimizin əziz xatirəsi daim qəlbimizdə yaşayacaq, onların ailələri isə hər zaman dövlətimizin və xalqımızın diqqət və qayğısı ilə əhatə olunacaq.
Allah bütün şəhidlərimizə rəhmət eləsin, onların ailələrinə səbir və möhkəm cansağlığı versin. Şəhidlərimizin müqəddəs xatirəsi qarşısında baş əyir, onların ailələrinə göstərilən hər bir diqqət və qayğını yüksək qiymətləndiririk.
Related Posts
