Polis Akademiyasının professor-müəllim heyətinin maaşlarına əlavələr təyin ediləcək

Bakı, 9 iyun, AZƏRTAC

Polis Akademiyasının professor-müəllim heyətinin maaşlarına əlavələr təyin ediləcək. Belə ki, Nazirlər Kabineti “Polis əməkdaşının maddi və sosial təminatları ilə bağlı qaydaların təsdiq edilməsi haqqında” qərarda dəyişiklik edib.

AZƏRTAC xəbər verir ki, dəyişikliyə əsasən, Daxili İşlər Nazirliyi Polis Akademiyasının professor-müəllim heyətinə onların bir ay yarımlıq vəzifə maaşı məbləğindən çox olmamaqla əlavələr təyin edəcək.