Kirov şəhərindəki soydaşlarımız 20 Yanvar şəhidlərini anıblar
Bu gün Rusiya Federasiyasının Kirov şəhərində 20 Yanvar şəhidlərinin xatirəsinə həsr olunmuş anım tədbiri keçirilib. “Diaspornews.az” xəbər verir ki, anım tədbiri Rusiya Federasiyasının Kirov vilayətində fəaliyyət göstərən “Birlik” Azərbaycan Mədəniyyət Mərkəzi tərəfindən təşkil edilib.
Öncə 20 Yanvar şəhidlərinin şəkillərindən ibarət sərgi nümyiş olunub. Sonra tədbirdəki soydaşlarımız şəhdlərimizin xatirəsini bir dəqiqəlik sükutla yad ediblər.
Tədbirdə Rusiya Federasiyasının Kirov vilayətində fəaliyyət göstərən “Birlik” Azərbaycan Mədəniyyət Mərkəzinin sədri Osman Alıyev çıxış edərək 20 yanvar 1990-cı il tarixində baş vermiş faciəli hadisələrdən danışıb.
Osman Alıyev bildirib ki, 20 Yanvar şəhidləri xalqımızın mübarizliyini və qəhrəmanlığını bir daha bütün dünyaya sübut ediblər.
