Ulu Öndərin məzarı ziyarət edildi
Azərbaycan Respublikasının Milli Qəhrəmanları Tanıtma İctimai Birliyi Ulu Öndər Heydər Əliyevin məzarını ziyarət etdi.
Bu gün Azərbaycan Respublikasının Milli Qəhrəmanları Tanıtma İctimai Birliyinin sədri Elşən Uluxanlının rəhbərliyi altında Milli Qəhrəman ailələri və üzvləri Ulu Öndər Heydər Əliyevin anım günü münasibətilə Fəxri xiyabanda yerləşən məzarını ziyarət etdilər.
Ulu Öndər hər zaman Şəhid Milli Qəhrəman ailələri ilə, Milli qəhrəmanlarımızla görüşərək saatlarla söhbət edərək onların hər problemlərilə yaxından maraqlanardı . Milli Qəhrəman ailələri Ulu Öndərin məzarı önündə bir araya gələrək Ulu Öndər ilə olan xoş xatirələri xatırladılar.
Tədbir iştirakçıları Heydər Əliyevin və xanımı Zərifə Əliyevanın məzarı önünə gül dəstələri düzərək əziz xatirəsini bir dəqiqəlik sükutla yad etdilər.
Sonda isə xatirə şəkilləri çəkdirdilər.
Vətənqəhrəmanları.az
NƏRMİN SƏFƏROVA
