Şəhid Vətən Müharibəsi Qəhrəmanının şəhadət günü

Bu gün Şəhid Vətən Müharibəsi Qəhrəmanı Abdurrahmanov Əfqan Ağasəf oğlunun şəhadətindən daha bir il ötür.
Polkovnik – leytenant Əfqan 25 may 1976 – cı ildə Bakı şəhərində anadan olub.
Orta təhsilini bitirdikdən sonra ali təhsilini Heydər Əliyev adına Azərbaycan Ali Hərbi Məktəbində almış və Azərbaycan Respublikasının Ordu sıralarında xidmətə başlamışdır.
2016 – cı il Aprel döyüşlərində xüsusi şücaətilə seçilən Əfqan 2020 – ci ildə başlayan Vətən müharibəsində də döyüşün qaynar mövqelərində vuruşmuş və 10 oktyabr 2020 – ci ildə Suqovuşanın azadlığı uğrunda gedən döyüşlərdə qəhrəmancasına şəhidlik zirvəsinə ucalıb və qəhrəmanımız Qəbələ rayon Əmirvan kəndində dəfn olunub.
Qəbələ rayon 3 saylı tam orta məktəb qəhrəmanımızın adını daşıyır və məktəbin həyətində əziz xatirəsini əbədiləşdirmək məqsədilə abidə kompleksi yaradılıb.
Azərbaycan Respublikasının Milli Qəhrəmanları Tanıtma İctimai Birliyi olaraq qəhrəmanımızın ailəsinə başsağlığı verir və səbr diləyirik.

Allah rəhmət eləsin!

Vətənqəhrəmanları.az

NƏRMİN SƏFƏROVA