4 mart 2025-ci il tarixdə Azərbaycan Respublikası Milli Qəhrəmanları Tanıtma İctimai Birliyinin Nizami rayon Mədəniyyət şöbəsinin rəhbəri Həbibə Ələkbərova işlədiyi ölkənin ən qabaqcıl təhsil müəssisələrindən olan Kimya-biologiya Təmayüllü Respublika Liseyində 8 Mart Beynəlxalq Qadınlar Gününə həsr olunmuş tədbir keçirdi.
Tədbirdə liseyin direktoru Aytən xanım, Milli Qəhrəmanlar Təşkilatının Nizami rayon şöbə rəhbərləri, Vətən Qəhrəmanları Cəmiyyətinin sədri Nərmin Səfərova, liseyin müəllimləri və şagirdləri iştirak edirdi.
İlk öncə tədbiri təşkil edən Həbibə xanım qonaqları salamlayaraq iştirak edənlərə öz təşəkkürünü bildirdi.
Şagirdlər isə öz növbəsində bu bayram münasibətilə ilk olaraq ölkəmizin birinci xanımı, vitse prezidentimiz Mehriban xanım Əliyevanı təbrik etdi.
Şagirdlərin bir-birindən maraqlı səhnəcikləri, rəqsləri tədbir iştirakçılarına xoş anlar yaşatdı.
Daha sonra Milli Qəhrəmanlar Təşkilatının Nizami rayon nümayəndəliyinin şöbə rəhbərləri və Vətən Qəhrəmanları Cəmiyyətinin sədri Nərmin Səfərova səhnədə çıxış edən şagirdləri Milli Qəhrəmanlar Təşkilatı adından diplomlarla təltif etdi.
Sonda xatirə şəkilləri çəkdirildi .
NƏRMİN SƏFƏROVA
VƏTƏNQƏHRƏMANLARI.AZ