Vətən Müharibəsi Qəhrəmanımızın mövludu

Bu gün Şəhid Vətən Müharibəsi Qəhrəmanı Bədəlov Valeh Vahid oğlunun 33 – cü yaş mövlud günüdür.

Xüsusi Təyinatlı Qüvvələrin baş leytenanti Valeh Bədəlov 10 oktyabr 1990 – cı ildə Zaqatala rayonunda anadan olub.

Ali təhsilini Azərbaycan dili və ədəbiyyatı müəllimliyi ixtisası üzrə alsa da, Vətənə olan sevgisi onu hərb sahəsinə yönəldib.

2016 – cı il Aprel döyüşlərində və 2020 -ci il Vətən müharibəsində xüsusi şücaətləri ilə seçilən Valeh Bədəlov bir çox rayon və kəndlərimizin azad olunması uğrunda gedən döyüşlərdə yaxından iştirak edib və 7 oktyabr 2020 – ci ildə Cəbrayıl rayonunun azadlığı uğrunda gedən qızğın döyüşlərdə qəhrəmancasına şəhidlik zirvəsinə ucalıb.

Ailəli idi və iki qız övladı yadigar qaldı.

Biz də Azərbaycan Respublikasının Milli Qəhrəmanları Tanıtma İctimai Birliyi olaraq qəhrəmanımızın ailəsinə başsağlığı verir və səbr diləyirik .

Allah rəhmət eləsin!

Vətənqəhrəmanları.az

NƏRMİN SƏFƏROVA