Yeni WordPress Saytı

“Biz zəfər qazandıq!” müsabiqəsinin qalibləri mükafatlandırılıb

Günay Bəndəliyeva: “Belə müsabiqə-sərgilər biz məktəbli və yeniyetmələrdə vətənə, torpağa məhəbbət hisslərinin artırılmasında böyük rol oynayır”

Bu gün Hərbi Qənimətlər Parkı Azərbaycanın 44 günlük Vətən müharibəsində düşmən üzərində zəfərinin rəmzinə çevirilib. İnsanlar böyük sevinc və maraqla buranı ziyarət edir, odurmuzun sanki düşmənə vurduğu zərbələrin nəticələrinə tamaşa edirlər. Eyni zamanda burada zəfərimzin şəfərinə müxtəlif tədbirlər, təqdimat və sərgilər təşkil olunur. İyunun 7-də “Biz zəfər qazandıq! respublika onlayn rəsm müsabiqə-sərgisi”nin qaliblərinin mükafatlandırılması mərasiminin Hərbi Qənimətlər Parkında keçirilməsi də bunun bariz nümunəsdir. Tədbirdə təhsil nazirinin müavini Firudin Qurbanov, tanınmış mədəniyyət və incəsənət xadimləri, müsabiqənin qalibləri və digər rəsmilər iştirak edib.

Öncə qonaqlar Parkda yerləşdirilən rəsm sərgisi ilə tanış olublar. Tədbir Azərbaycan Respublikasının Dövlət Himninin səsləndirilməsi ilə başlayıb.

Tədbiri giriş sözü ilə açan təhsil nazirinin müavini Firudin Qurbanov müsabiqənin əhəmiyyətindən danışıb. Nazir müavini bildirib ki, istedadlı uşaq və gənclərin aşkar edilməsi, böyüməkdə olan gənc nəsildə vətənə, torpağa məhəbbət hisslərinin artırılması və hərbi-vətənpərvərlik ruhunun təbliği, ölkəmizin işğal altında olan ərazilərinin azad edilməsində ordumuzun və dövlətimizin əldə etdiyi nailiyyətlərin, qazanılan zəfərin bütün Türk dünyasının qələbəsi olduğunun gənc nəslə çatdırılması, uşaq və gənclərin yaradıcılıq qabiliyyətlərinin inkişaf etdirilməsi və asudə vaxtlarının səmərəli təşkili baxımından belə müsabiqələrin xüsusi əhəmiyyətini vurğulayıb. Nazir müavini Azərbaycan xalqının çoxəsrlik tarixinin şərəfli mərhələsini yaşadığını, bütün dünya azərbaycanlılarının təsvirəgəlməz qürur və sevinc hisləri keçirdiyini qeyd edərək Azərbaycan xalqının Ali Baş Komandanı Prezident İlham Əliyevin rəhbərliyi və müzəffər Milli Ordumuzun 27 sentyabr 2020-ci il tarixdən başlanan əks-hücum əməliyyatları nəticəsində 30 ilə yaxın mənfur qonşumuz Ermənistanın işğal altında saxladığı Qarabağı azad etməklə milli cağdaş tarixinə şanlı səhifə yazdığını tədbir iştirakçılarının diqqətinə çatdırıb. Firudin Qurbanov qeyd edib ki, Müzəffər Ali Baş Komandan İlham Əliyev tərəfindən təsdiqlənən mükəmməl hərbi strategiya və taktika döyüş meydanında Azərbaycan Ordusunun “Dəmir yumruq” əməliyyatını sürətlə və az itki ilə həyata keçirməyə imkan verdi. Nəticədə düşmən tərəfinin 30 il ərzində möhkəmləndirdiyi müdafiə xətləri yarıldı, hərbi resursları məhv edildi. Düşmənin canlı qüvvələri isə, sözün həqiqi mənasında, mövqelərini qoyub qaçdılar. Ermənilərin qoyub qaçdığı atıcı silahlar, ağır texnikalar, raket kompleksləri, hərbi nəqliyyatlar və digər sursatlar qənimətlər sırasındadır.

Gənclərimizin vətənpərvərlik ruhunda tərbiyə olunması ən vacib məsələlərdən biridir”

Firudin Qurbanov qeyd edib ki, gənclərimizin vətənpərvərlik ruhunda tərbiyə olunması ən vacib məsələlərdən biridir. İkinci Qarabağ müharibəsi göstərdi ki, bu sahədə də böyük uğurlar əldə edilib. 44 günlük Vətən müharibəsi bizim gücümüzü, iradəmizi, birliyimizi göstərdi. Göstərdi ki, heç vaxt Azərbaycan xalqı bu vəziyyətlə barışmayacaq. İkinci Qarabağ müharibəsi bizim şanlı tariximizdir. Xalqımız bu müharibə ilə bağlı əbədi qürur hissi keçirəcək. Biz müzəffər xalq kimi özümüzü dünyada təsdiq etmişik.

Nazir müavini çıxışının sonunda qalibləri təbrik edib, onlara uğurlar arzulayıb. Daha sonra çıxış edən Azərbaycan Rəssamlar İttifaqının sədri, xalq rəssamı Fərhad Xəlilov və Azərbaycan Dövlət Rəssamlıq Akademiyasının prorektoru, xalq rəssamı Səlhab Məmmədov 44 günlük Vətən Müharibəsində Ali Baş komandan İlham Əliyevin rəhbərliyi altında ordumuzun göstərdiyi şücaətdən bəhs edib, qalibləri təbrik ediblər.

Sonda müsabiqə-sərgidə I, II, III və həvəsləndirici yerlərə layiq görülmüş məktəblilər təltif olunub, diplom və hədiyyələr təqdim edilib.

“Mən Vətən müharibəsindəki uğurlarımız, şəhid və qazilərimizlə bağlı şəkillər çəkməkdən qürur duyuram”

Xatırladaq ki, respublika onlayn rəsm müsabiqə-sərgisinin II yerin qalibi Günay İlqar qızı Bəndəliyeva seçilib. Günay Bəndəliyeva 2007-ci ilin 18 oktyabrda Bakı şəhərində anadan olub. Bakı şəhər, 83 saylı məktəb liseyin IX sinif şagirdidir.  Günay Bəndəliyevanın uşaqlıqdan rəsmə böyük həvəsi var. Əsas amalı gələcəkdə bu peşənin bütün incəliklərini öyrənib peşəkar rəssam olmaqdır. O, bu vaxta kimi müxtəlif mövzularda şəkillər çəkib. Xüsusən vətənpərvərlik mövzusuna daha çox maraq göstərir. Elə onu qalibi olduğu müsabiqə-sərgi ilə bağlı təəssüratları bunu bir daha aydın göstərir: “Belə müsabiqə-sərgilər biz məktəbli və yeniyetmələrdə vətənə, torpağa məhəbbət hisslərinin artırılmasında böyük rol oynayır. Torpaqlarımızın işğaldan azad edilməsi ilə biz ordumuzun və dövlətimizin gücünü bir daha gördük. Vətən müharibəsində şəhid olan qəhrəmanlarımızın əziz xatirəsini ehtiramla yad edirik. Mən Vətən müharibəsindəki uğurlarımız, şəhid və qazilərimizlə bağlı şəkillər çəkməkdən qürur duyuram. Böyük fəxr hissi ilə onların qəhrəmanlıqlarını təsəvvürümdə canlandıraraq rəsmlərini çəkirəm. Cənab Ali Baş Konandan İlham Əliyevin dediyi kimi Qarabağ Azərbaycandır! Artıq bu şüar hər bir soydaşımızın, o cümlədən biz məktəblilərin də beyninə həkk olunub. Biz Prezidentimizlə fəxr edirik. Biz Ordumuzla qürur duyuruq! Biz fəxr edirik ki, azərbaycanlıyıq!”
Qeyd edək ki, 3 yaş (6-9, 10-13, 14-17) qrupu üzrə keçirilən müsabiqə-sərgiyə ümumilikdə 1127 rəsm işi daxil olub. İşlər əməkdar incəsənət xadimi, sənətşünaslıq üzrə fəlsəfə doktoru Ziyadxan Əliyev, əməkdar incəsənət xadimi Məmmədhüseyn Hüseynov və Azərbaycan Rəssamlar İttifaqının üzvü Bəşirova İnna Viktorovna tərəfindən qiymətləndirilib.

Vetenqehremanlari.az